ഇരുൾ വീണാൽ പല റൂട്ടുകളിലും സ്വകാര്യ ബസുകൾ സർവീസ് നിർത്തി വയ്ക്കുന്നത് പതിവായി

Perinthalmanna Radio
Date: 14-06-2023

പെരിന്തൽമണ്ണ: സന്ധ്യ കഴിഞ്ഞാൽ പല റൂട്ടുകളിലും സ്വകാര്യ ബസുകൾ സർവീസ് നിർത്തി വയ്ക്കുന്നത് പതിവായി. ഇതു മൂലം യാത്രക്കാർ കുറച്ചൊന്നുമല്ല ദുരിതം അനുഭവിക്കുന്നത്. പട്ടാമ്പി, ചെർപ്പുളശ്ശേരി, വളാഞ്ചേരി തുടങ്ങിയ ദൂര സ്ഥലങ്ങളിലേക്ക് വൈകിട്ട് 7 കഴിഞ്ഞാൽ മിക്ക ബസുകളും സർവീസ് നടത്തുന്നില്ല. പെരിന്തൽമണ്ണയിൽ നിന്ന് ഏലംകുളം, മുതുകുർശി, തൂത, ഒടമല, വലമ്പൂർ, പരിയാപുരം, പിലാത്തിത്തോട്, അരക്കുപറമ്പ്, പാണ്ടിക്കാട്, മണ്ണാർമല, കൂട്ടിൽ, കീഴാറ്റൂർ എന്നിവിടങ്ങളിലേക്കും ഇത് തന്നെയാണ് സ്ഥിതി.

ബസുകൾ അനധികൃതമായി ട്രിപ്പുകൾ മുടക്കുന്നതിനാൽ യാത്രക്കാർക്ക് വലിയ തുക നൽകി ടാക്സി വാഹനങ്ങളെയോ ഓട്ടോറിക്ഷകളെയോ ആശ്രയിക്കേണ്ടി വരുന്നു.

വൈകി സർവീസ് നടത്തുന്ന പല ബസുകളും രാത്രി ഗ്രാമ പ്രദേശങ്ങളിൽ നിർത്തിയിടുന്നവയാണ്. അവ ട്രിപ്പ് മുടക്കുന്നതിനാൽ ഗ്രാമ വാസികൾക്ക് രാവിലെ പെരിന്തൽമണ്ണ നഗരത്തിൽ എത്താനുള്ള യാത്രാ സൗകര്യവും മുടങ്ങുന്നു.

ട്രിപ്പ് മുടക്കുന്ന സ്വകാര്യ ബസുകൾക്ക് എതിരെ യാത്രക്കാർ പരാതി നൽകിയിട്ടും അധികൃതർ നടപടി എടുക്കുന്നില്ലെന്ന് ആക്ഷേപമുണ്ട്. സമയക്രമം പാലിച്ച് ബസുകൾ സർവീസ് നടത്തുന്നു എന്ന് അധികൃതർ ഉറപ്പ് വരുത്തണമെന്നാണ് യാത്രക്കാരുടെ ആവശ്യം.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BYcevSuLs0dH5STbBgvWwr
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ