Perinthalmanna Radio
Date: 17-06-2023
പെരിന്തൽമണ്ണ: നഗരസഭയിലെ മാലിന്യ സംസ്കരണ ശുചിത്വ പ്രവർത്തനങ്ങളുടെ മുന്നണി പോരാളികളായ ഹരിത കർമ്മ സേനയ്ക്ക് ആരോഗ്യ ഇൻഷൂറൻസ് കർഡുകളുടെയും ഹരിതമിത്രം ആപ്പ് വഴി മാലിന്യ ശേഖരണം ത്വരിതപെടുത്തുന്നതിനായി മൊബൈൽ ഫോണുകളുടെയും വിതരണം നഗരസഭ ചെയർമാൻ പി. ഷാജി ഉദ്ഘാടനം ചെയ്തു. ഹരിത കർമ്മസേന നഗരസഭ തല കൺസോർഷ്യം പ്രസിഡണ്ട് ഉഷാ ദേവിയുടെ അധ്യക്ഷതയിൽ നഗരസഭ കോൺഫറൻസ് ഹാളിൽ വെച്ച് നടന്ന ചടങ്ങിൽ 66 ഹരിത കർമ്മ സേന പ്രവർത്തകർക്ക് ആരോഗ്യ പരിരക്ഷ ഉറപ്പാക്കുന്നതിനായുള്ള ഇൻഷ്വറൻസ് കാർഡ് കൈമാറിയത്. നഗരസഭയിലെ വാതിൽപ്പടി മാലിന്യ ശേഖരണത്തിനായി ആരംഭിച്ച ഹരിത മിത്രം ആപ്പ് പ്രവർത്തിപ്പിക്കുന്നതിനായി മുഴുവൻ പ്രവർത്തകരെയും സജ്ജമാക്കുന്നതിൻ്റെ ഭാഗമായാണ് കുടുംബശ്രീ കമ്മ്യൂണിറ്റി എൻ്റർപ്രൈസ് ഫണ്ട് വിനിയോഗിച്ച് സ്മാർട്ട് ഫോണില്ലാത്ത 20 പേർക്ക് കൂടി മൊബൈൽ ഫോൺ ലഭ്യമാക്കിയത്. കൂടാതെ, ഹരിത കർമ്മ സേനാംഗങ്ങളുടെ കുടുംബങ്ങളിൽ നിന്നും എസ്.എസ്. എൽ. സി, പ്ലസ് ടു പരീക്ഷകളിൽ മികച്ച വിജയം കൈവരിച്ചവർക്കുള്ള ഉപഹാരവും ചടങ്ങിൽ വെച്ച് വിതരണം ചെയ്തു. പരിപാടിയിൽ പൊതുമരാമത്ത് സ്റ്റാൻ്റിംഗ് കമ്മിറ്റി ചെയർമാൻ കെ. ഉണ്ണികൃഷ്ണൻ, നഗരസഭ സെക്രട്ടറി മിത്രൻ ജി, ഹരിത കർമ്മ സേനയുടെ നഗരസഭയിലെ പ്രവർത്തനങ്ങൾക്ക് നേതൃത്വം നൽകുന്ന കൗൺസിലർ സന്തോഷ് കുമാർ പി.എസ്, ആരോഗ്യ സ്റ്റാൻഡിങ് കമ്മിറ്റി അംഗം ആരിഫ് പത്തത്ത്, കുടുംബശ്രീ സി.ഡി.എസ് ചെയർപേഴ്സൺ വിജയ വി. കെ., ഹെൽത്ത് ഇൻസ്പെക്ടർ കൃഷ്ണ കുമാർ ജി, മെമ്പർ സെക്രട്ടറി കെ. രാജീവ് തുടങ്ങിയവർ ആശംസകളർപ്പിച്ച് സംസാരിച്ചു. പരിപാടിക്ക് ഹരിത കർമ്മസേന കൺസോർഷ്യം സെക്രട്ടറി സിന്ധു കെ. സ്വാഗതവും സുചിത്ര നന്ദിയും പറഞ്ഞു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ