മൂസക്കുട്ടി ബസ്‌ സ്റ്റാൻഡിൽ അടിസ്ഥാന സൗകര്യങ്ങൾ ഒരുക്കണമെന്ന് കോൺഗ്രസ്

Perinthalmanna Radio
Date: 20-06-2023

പെരിന്തൽമണ്ണ : മൂസക്കുട്ടി സ്മാരക ബസ്‌സ്റ്റാൻഡിൽ അടിസ്ഥാന സൗകര്യങ്ങൾ ഒരുക്കുന്നതിൽ നഗരസഭാ ഭരണസമിതി അലംഭാവം കാണിക്കുകയാണെന്നും എത്രയുംവേഗം നടപടികൾ സ്വീകരിക്കണമെന്നും ബ്ലോക്ക് കോൺഗ്രസ് കമ്മിറ്റി ആവശ്യപ്പെട്ടു. സ്റ്റാൻഡും പരിസരവും രാത്രിയിൽ സമൂഹ വിരുദ്ധരുടെ വിഹാര കേന്ദ്രമാകുന്നു. തെരുവു വിളക്കുകളും ക്യാമറകളുമടക്കം സ്ഥാപിച്ച് ബസ്‌സ്റ്റാൻഡ് നിരീക്ഷണത്തിലാക്കണമെന്നും ആവശ്യപ്പെട്ടു. കെ.പി.സി.സി. സെക്രട്ടറി വി. ബാബുരാജ് ഉദ്ഘാടനംചെയ്തു.

ബ്ലോക്ക് പ്രസിഡന്റ് അരഞ്ഞീക്കൽ ആനന്ദൻ അധ്യക്ഷത വഹിച്ചു. മണ്ഡലം പ്രസിഡന്റുമാരായ എ.ആർ. ചന്ദ്രൻ, പി.കെ. കേശവൻ, യൂത്ത് കോൺഗ്രസ് നിയോജക മണ്ഡലം പ്രസിഡന്റ് യാക്കൂബ് കുന്നപ്പള്ളി, മഹിളാ കോൺഗ്രസ് പ്രസിഡന്റ് ഷെറീന ഇഖ്ബാൽ, ദളിത് കോൺഗ്രസ് പ്രസിഡന്റ് ദിനേശ് കണക്കഞ്ചേരി, ഡി.സി.സി. അംഗം പാലൂർ ഉണ്ണിക്കൃഷ്ണ പണിക്കർ, ബ്ലോക്ക് വൈസ് പ്രസിഡന്റ് സുരേഷ് മഠത്തിൽ, ജനറൽ സെക്രട്ടറി ഷിബു ചെറിയാൻ തുടങ്ങിയവർ പങ്കെടുത്തു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ