ആംബുലൻസുകൾക്കും രക്ഷയില്ല; ഗതാഗത കുരുക്കൊഴിയാതെ മങ്കട ടൗൺ

Perinthalmanna Radio
Date: 28-06-2023

മങ്കട: അടിക്കടി ദുരിതമായി കൊണ്ടിരിക്കുന്ന മങ്കട മേലെ അങ്ങാടിയിലെ ഗതാഗതക്കുരുക്കിൽ ആംബുലൻസുകളും കുടുങ്ങി കിടക്കുന്ന സാഹചര്യം ഉണ്ടാകുന്നു. നിത്യേനയെന്നോണം ഇതാണ് അവസ്ഥ. കഴിഞ്ഞ ദിവസങ്ങളിലായി നിരവധി ആംബുലൻസുകൾ കടന്നു പോകാനാകാതെ മിനിറ്റുകളോളം കുടുങ്ങിയ സാഹചര്യമുണ്ടായി. നാലും കൂടിയ മങ്കട മേലെ ജംഗ്ഷനിൽ ട്രാഫിക് നിയന്ത്രിക്കാൻ ആളില്ലാത്ത സാഹചര്യത്തിലാണ് മണിക്കൂറുകൾ നീണ്ടു നിൽക്കുന്ന ഗതാഗത കുരുക്ക് അനുഭവപ്പെടുന്നത്.

ഗതാഗത കുരുക്കിൽ മഞ്ചേരി മെഡിക്കൽ കോളജിലേക്കും പെരിന്തൽമണ്ണയിലെക്കും പോകുന്ന ആംബുലൻസുകൾക്ക് തടസം നേരിട്ടു. പെരിന്തൽമണ്ണയിലെ സ്വകാര്യ ആശുപത്രികളിലേക്കും അവിടെ നിന്നു തിരിച്ച് മഞ്ചേരി മെഡിക്കൽ കോളജിലേക്കുമായി നിരവധി ആംബുലൻസുകൾ രോഗികളുമായി കടന്നു പോകുന്ന ഈ റോഡിൽ മങ്കട മേലെ ജംഗ്ഷനിലാണ് ഏറെ പ്രശ്നം ഉണ്ടാകുന്നത്.

വർഷങ്ങൾ മുമ്പ് തന്നെ ബസ് സ്റ്റോപ്പുകൾ മാറ്റി നിശ്ചയിച്ചിട്ടുണ്ടെങ്കിലും ബസ് കാത്തിരിപ്പ് കേന്ദ്രം ഇല്ലാത്തതിനാൽ പഴയപടി ആളുകൾ നിൽക്കുന്ന ഭാഗത്താണ് ബസുകൾ നിർത്തുന്നത്. ഇതു പ്രയാസം സൃഷ്ടിക്കുന്നു. ഇടക്കിടെ ഉണ്ടാകുന്ന ഗതാഗത കുരുക്ക് യാത്രക്കാർക്കും ടൗണിലെ വ്യാപാരികൾക്കും നന്നേ പ്രയാസം ഉണ്ടാക്കുന്നുണ്ട്. ഗതാഗത കുരുക്കിന് പരിഹാരം കാണണം എന്നാണ് നാട്ടുകാരുടെ ആവശ്യം.
  …………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ