ദേശീയപാതയിൽ അങ്ങാടിപ്പുറത്ത് ലോറികൾ കൂട്ടിയിടിച്ച് അപകടം

Perinthalmanna Radio
Date: 26-07-2023

പെരിന്തൽമണ്ണ: ദേശീയ പാതയിൽ അങ്ങാടിപ്പുറത്ത് ലോറികൾ കൂട്ടിയിടിച്ച് അപകടം. തളി ക്ഷേത്രത്തിനും തിരുമാന്ധാംകുന്ന് ക്ഷേത്രത്തിനും ഇടയിൽ ഇന്ന് പുലർച്ചെ രണ്ട് മണിയോടെയാണ് അപകടം ഉണ്ടായത്. തമിഴ്നാട്ടിൽ നിന്നും കോഴിക്കോട് ഭാഗത്തേക്ക് മീൻ ലോഡുമായി പോവുകയായിരുന്ന ലോറിയാണ് അപകടത്തിൽ പെട്ടത്. എതിർ ദിശയിൽ വന്നിരുന്ന മറ്റൊരു ലോറി മറ്റൊരു വാഹനത്തെ ഓവർടേക്ക് ചെയ്യാന്‍  ശ്രമിക്കുമ്പോഴായിരുന്നു അപകടം. ഇടിയുടെ ആഘാതത്തിൽ മീൻ ലോഡുമായി പോകുകയായിരുന്ന വാഹനത്തിലെ ഡ്രൈവർ വാഹനത്തിൽ നിന്നും ഇറക്കാൻ പറ്റാത്ത വിധം വാഹനത്തിൽ കുടുങ്ങി പോയിരുന്നു. തുടർന്ന് 15 മിനിറ്റുകൾക്ക് ശേഷമാണ് ഡ്രൈവറെ വാഹനത്തിൽ നിന്ന് പുറത്തെടുത്തത്. ഡ്രൈവറും കൂടെ ഉണ്ടായിരുന്ന സഹായിയും പരിക്ക് ഏൽക്കാതെ രക്ഷപ്പെട്ടു. പൊലീസും ഫയർ ഫോഴ്‌സും ട്രോമാകെയർ പ്രവർത്തകരും രക്ഷാ പ്രവർത്തനങ്ങൾക്ക് സ്ഥലത്ത് എത്തിയിരുന്നു. അപകടത്തെ തുടർന്ന് ദേശീയ പാതയിൽ ഗതാഗതം തടസ്സപ്പെട്ടു. പിന്നീട് ക്രെയിൻ ഉപയോഗിച്ചാണ് വാഹനം അവിടെ നിന്നും മാറ്റിയത്. 
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/B8bFzD8KOmd4Ats7h5bOJu
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ