പൊളിച്ചു നീക്കുന്നതിനിടെ വീടിന്റെ ഭാഗം സമീപത്തെ വീടിനു മുകളിലേക്കു വീണു

Perinthalmanna Radio
Date: 27-10-2023

പെരിന്തൽമണ്ണ: പഴയ കോൺക്രീറ്റ് വീട് പൊളിച്ചു നീക്കുന്നതിനിടെ തൊട്ടടുത്ത വീടിനു മുകളിലേക്ക് പൊളിഞ്ഞുവീണു. അങ്ങാടിപ്പുറം പഞ്ചായത്തിലെ പൂപ്പലത്ത് ഇന്നലെ വൈകിട്ടാണ് അപകടം. തുന്നക്കാരൻ അലവിയുടെ വീടിനു മുകളിലേക്കാണ് സമീപത്തെ വീടു വീണ് നാശമുണ്ടായത്.

മങ്കട കോണോംപുലാക്കൽ കോയയുടെ വീട് പൊളിച്ചുനീക്കുന്നതിനിടെയാണ് വീടിന്റെ മേൽക്കൂരയൊന്നാകെ സമീപത്തെ വീടിനു മുകളിലേക്ക് ചെരിഞ്ഞത്. ഈ വീട്ടിൽ കുട്ടികൾ ഉൾപ്പെടെ ആളുകളുണ്ടായിരുന്നു. ഇവരെല്ലാം പുറത്തേക്കോടി രക്ഷപ്പെട്ടു. ആർക്കും പരുക്കില്ല. 

പെരിന്തൽമണ്ണ അഗ്നിരക്ഷാ സേനാംഗങ്ങളും വാർഡ് അംഗം കെ.ടി.നാരായണനും രക്ഷാപ്രവർത്തനത്തിനു നേതൃത്വം നൽകി. പൊളിച്ച വീട് മണ്ണുമാന്തി യന്ത്രത്തിന്റെ സഹായത്തോടെ താങ്ങിനിർത്തിയിരിക്കുകയാണ്.  ഇന്ന് ബന്ധപ്പെട്ട അധികൃതർ സ്ഥലം സന്ദർശിച്ച് അപകടസാധ്യത വിലയിരുത്തിയ ശേഷമേ പൊളിച്ച വീടിന്റെ ഭാഗങ്ങൾ നീക്കംചെയ്യൂ.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Kg2gYKAQbPR4xhGJ117pqW
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ