അങ്ങാടിപ്പുറത്ത് ഭരണ സമിതിയില്‍ നിന്ന് സി.പി.എം അംഗങ്ങള്‍ ഇറങ്ങിപ്പോയി

Perinthalmanna Radio
Date: 10-11-2023

അങ്ങാടിപ്പുറം: പഞ്ചായത്തില്‍ വിവിധ ജനകീയ പ്രശ്നങ്ങള്‍ക്ക് പരിഹാരം കാണാത്ത ഭരണസമിതി നിലപാടിനെതിരെ സി.പി.എം അംഗങ്ങള്‍ യോഗത്തില്‍ നിന്ന് ഇറങ്ങിപ്പോയി.

തെരുവുവിളക്കുകള്‍ അടിയന്തരമായി അറ്റകുറ്റപ്പണി നടത്തുക, ഹരിത കര്‍മസേന പ്രവര്‍ത്തനം കാര്യക്ഷമമാക്കുക, സേവനങ്ങള്‍ കാലതാമസം കൂടാതെ നല്‍കുക, സര്‍ക്കാര്‍ അനുവദിച്ച ഫണ്ട് ലാപ്സാക്കാതെ ചെലവഴിക്കുക, ടൗണ്‍ ശുചീകരണ പ്രവര്‍ത്തനങ്ങള്‍ നടത്തുക തുടങ്ങിയവക്ക് പരിഹാരം കണ്ടിട്ടില്ല. ആവശ്യങ്ങളില്‍ നിഷേധാത്മക നിലപാട് സ്വീകരിക്കുകയാണ് യു.ഡി.എഫ് ഭരണ സമിതിയെന്ന് സി.പി.എം കുറ്റപ്പെടുത്തി. ഇക്കാര്യം ഉന്നയിച്ചശേഷം ഭരണസമിതി യോഗത്തില്‍നിന്ന് പ്രതിപക്ഷ അംഗങ്ങള്‍ ഇറങ്ങിപ്പോയി.

പ്രതിപക്ഷ അംഗങ്ങളായ കെ.ടി. നാരായണൻ, ഷിഹാദ് പേരയില്‍, കോറാടൻ റംല, അനില്‍ പുലിപ്ര, ജൂലി പോളി, പി. രത്നകുമാരി, പി. വിജയകുമാരി വാഹിദ ബാപ്പുട്ടി, ഖദീജ അസീസ് എന്നിവരാണ് യോഗത്തില്‍നിന്ന് പ്രതിഷേധിച്ചത്. പുതിയ ഭരണസമിതി ചുമതല ഏറ്റത് മുതല്‍ ഉള്ളതാണ് ക്ഷേത്ര നഗരിയിലെ മാലിന്യപ്രശ്നം. അതേസമയം, തെരുവുവിളക്ക് അറ്റകുറ്റപ്പണിയും പുതിയവ സ്ഥാപിക്കലും ഊര്‍ജിതമായി നടക്കുന്നതായി വൈസ് പ്രസിഡന്റ് ഷബീര്‍ കറുമുക്കില്‍ അറിയിച്ചു. മാലിന്യം നീക്കുന്നതില്‍ ചില വീഴ്ചകളും പോരായ്മകളും ഉണ്ട്. വേണ്ടത്ര ഭൂമി ഇല്ല. ഭൂമി വാങ്ങാൻ നടപടി ആരംഭിച്ചു. ഇപ്പോള്‍ വാടക സ്ഥലത്താണ് മാലിന്യം വേര്‍തിരിക്കല്‍ കേന്ദ്രം. മാലിന്യം നീക്കാൻ കരാറെടുത്ത വര്‍ ഇടക്കാലത്ത് നിര്‍ത്തിപ്പോയി.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/EebnOh7UX6U4OzkN4Y860b
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ