പെരിന്തൽമണ്ണ ഉപജില്ലാ സ്‌കൂൾ കലോത്സവം സമാപിച്ചു

Perinthalmanna Radio
Date: 12-11-2023

പെരിന്തൽമണ്ണ: പുലാമന്തോൾ ഗവ. ഹയർ സെക്കൻഡറി സ്‌കൂളിൽ നടത്തിയ പെരിന്തൽമണ്ണ ഉപജില്ലാ സ്കൂൾ കലോത്സവം സമാപിച്ചു. പുലാമന്തോൾ ഗവ. ഹയർ സെക്കൻഡറി സ്കൂൾ ഓവറോൾ ചാമ്പ്യൻമാരായി. ജി.എച്ച്.എസ്.എസ്. പെരിന്തൽമണ്ണയ്ക്കാണ് രണ്ടാംസ്ഥാനം.

ഹൈസ്കൂൾ വിഭാഗത്തിൽ ജി.എച്ച്.എസ്.എസ്. കുന്നക്കാവ് ഒന്നും പി.ടി.എം.എച്ച്.എസ്.എസ്. രണ്ടും സ്ഥാനങ്ങൾ നേടി. യു.പി. വിഭാഗത്തിൽ എ.യു.പി.എസ്. പാതായ്ക്കരയ്ക്കാണ് ഒന്നാംസ്ഥാനം.

ജി.എച്ച്.എസ്.എസ്. കുന്നക്കാവും വി.ആർ.യു.പി.എസ്. മുതുകുർശിയും രണ്ടാം സ്ഥാനം പങ്കിട്ടു.

എൽ.പി. വിഭാഗത്തിൽ എ.എം.യു.പി.എസ്. കുന്നപ്പള്ളി ഒന്നും എ.എം.എൽ.പി.എസ്. ചെറുകര രണ്ടും സ്ഥാനങ്ങൾ നേടി. സമാപനസമ്മേളനം പുലാമന്തോൾ പഞ്ചായത്ത് പ്രസിഡന്റ് പി. സൗമ്യ ഉദ്ഘാടനം ചെയ്തു.

പഞ്ചായത്തംഗം ടി. സാവിത്രി അധ്യക്ഷതവഹിച്ചു. പെരിന്തൽമണ്ണ എ.ഇ.ഒ. കെ.ടി. കുഞ്ഞുമൊയ്തു, പഞ്ചായത്തംഗങ്ങളായ കെ.ടി. അഷ്‌കർ, സി. മുഹമ്മദാലി, കെ. ശിഹാബുദ്ദീൻ, സെയ്താലി, കെ. മുസ്തഫ, പി.ടി.എ. പ്രസിഡന്റ് എം. ഷബീർ, എസ്.എം.സി. ചെയർമാൻ എം.കെ. അഷ്‌റഫ്, പി.ടി.എ. വൈസ് പ്രസിഡന്റ് എം. നാസർ എന്നിവർ ട്രോഫികൾ വിതരണം ചെയ്തു.

പ്രിൻസിപ്പൽ ഫോറം കോ – ഓർഡിനേറ്റർ കെ. ശ്രീജിത്ത്, പുലാമന്തോൾ ജി.എച്ച്.എസ്.എസ്. പ്രിൻസിപ്പൽ പി.ജി. സാഗരൻ, കലോത്സവ കൺവീനർ കെ. രാജ്കുമാർ, പി.പി. ജയശ്രീ, എം. ഇബ്രാഹിംകുട്ടി, തുടങ്ങിയവർ പ്രസംഗിച്ചു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/EebnOh7UX6U4OzkN4Y860b
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ