ക്വാറി-ക്രഷർ ഉടമകളുടെ സൂചന പണിമുടക്ക് ഇന്ന്

Perinthalmanna Radio
Date: 19-12-2023

മലപ്പുറം: ഖനന ഭേദഗതി ചട്ടങ്ങളിലും പിഴ ചുമത്തലിലും പ്രതിഷേധിച്ച് മലബാർ മേഖലയിലെ ക്വാറി-ക്രഷർ ഉടമകൾ ചൊവ്വാഴ്ച സൂചന സമരം നടത്തുമെന്ന് മലബാർ മേഖല ക്വാറി-ക്രഷർ ഓണേഴ്സ് ഏകോപന സമിതി ഭാരവാഹികൾ വാർത്ത സമ്മേളനത്തിൽ അറിയിച്ചു. പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലെ മുഴുവൻ ക്വാറികളും അടച്ചിടും.

പ്രശ്നത്തിന് പരിഹാരമായില്ലെങ്കിൽ ജനുവരി അവസാന വാരം മുതൽ അനിശ്ചിത കാല സമരം നടത്തും. വാർത്ത സമ്മേളനത്തിൽ ഏകോപന സമിതി രക്ഷാധികാരി കെ.എം. കോയാമു, വൈസ് ചെയർമാൻമാരായ അബ്ദുൽ ഖാദർ, റസാഖ് പട്ടാക്കൽ, കൺവീനർ ഇബ്രാഹിം പുത്തൻവീട്ടിൽ, അംഗങ്ങളായ ജമാൽ മുഹമ്മദ്, പി.സി. മണി, കെ.ടി. അബ്ദുൽ സലാം എന്നിവർ പങ്കെടുത്തു.  
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Dh50VB5MWGy5FkMpa4yo09
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ