ട്രോമാ കെയർ വാർഷിക ജനറൽ ബോഡിയോഗവും പ്രവർത്തകരെ ആദരിക്കുന്ന ചടങ്ങും സംഘടിപ്പിച്ചു

Perinthalmanna Radio
Date: 02-01-2024

പെരിന്തൽമണ്ണ: മലപ്പുറം ജില്ലാ ട്രോമാ കെയർ പെരിന്തൽമണ്ണ സ്റ്റേഷൻ യൂണിറ്റിന്റെ വാർഷിക ജനറൽ ബോഡി യോഗവും പ്രവർത്തകരെ അനുമോദിക്കുന്ന ചടങ്ങും നടത്തി. ട്രോമാകെയർ പെരിന്തൽമണ്ണ സ്റ്റേഷൻ യൂണിറ്റിൽ വെച്ച് നടന്ന യോഗത്തിന്റെ ഉദ്ഘാടന കർമ്മം IMA പെരിന്തൽമണ്ണ ബ്രാഞ്ച് പ്രസിഡന്റ് ഡോ. ഷാജി നിർവ്വഹിച്ചു. വിവിധ വകുപ്പുകൾക്കു കീഴിലും മറ്റുമായി നിരവധി സന്നദ്ധ പ്രവർത്തനങ്ങൾ കാഴ്ച്ചവെച്ച പെരിന്തൽമണ്ണ സ്റ്റേഷൻ യൂണിറ്റിലെ മുഴുവൻ പ്രവർത്തകരേയും ഉപഹാരം നൽകി ആദരിച്ചു.
മലപ്പുറം ജില്ലാ ട്രോമാ കെയർ ജില്ലാ കമ്മറ്റിയുടെ നേതൃത്വത്തിൽ നിലവിലെ കമ്മറ്റി പിരിച്ചു വിടുകയും പുതിയ കമ്മറ്റി രൂപീകരിക്കുകയും ചെയ്തു.
യൂണിറ്റിന്റെ ലീഡറായി ഷുഹൈബ് മാട്ടായയെ തിരഞ്ഞെടുത്തു. ഡെപ്യൂട്ടി ലീഡർ ജബ്ബാർ ജൂബിലി, പ്രസിഡന്റ് ഷഫീദ് പാതായിക്കര, സെക്രട്ടറി ഫവാസ് മങ്കട, ട്രഷറർ സുധീഷ് ഒലിങ്കര എന്നിവരെ തിരഞ്ഞെടുത്തു.
താലൂക് സെക്രട്ടറി റഹീസ് കുറ്റീരി സ്വാഗതം പറഞ്ഞു. യൂണിറ്റ് പ്രസിഡന്റ് ഷഫീദ് പാതായ്ക്കര അധ്യക്ഷത വഹിച്ചു. ട്രോമാകെയർ ജില്ലാ പ്രസിഡന്റ് നജീബ് മുഖ്യ പ്രഭാഷണം നടത്തി. IMA പെരിന്തൽമണ്ണ ബ്രാഞ്ച് സെക്രട്ടറി ഡോ. ജലീൽ, ട്രോമാ കെയർ ജില്ലാ സെക്രട്ടറി പ്രതീഷ്. കെ. പി, പാലക്കാട്‌ ജില്ലാ ട്രോമാ കെയർ സെക്രട്ടറി ഷമീർ പട്ടാമ്പി, ജില്ലാ ട്രഷറർ സലീം, പെരിന്തൽമണ്ണ ഇ. എം. എസ് ഹോസ്പിറ്റൽ എമർജൻസി ചീഫ് ഡോ. ഹാഷിം, ജില്ലാ ജോയിൻ സെക്രട്ടറി അഷ്‌റഫ്‌ വണ്ടൂർ, വുമൺസ് ജില്ലാ സെക്രട്ടറി ഷാനിയ വാഴക്കാട്, ശാഹുൽ മഞ്ചേരി എന്നിവർ ആശംസകൾ അർപ്പിച്ചു. മുൻ യൂണിറ്റ് സെക്രട്ടറി ഷുഹൈബ് മാട്ടായ റിപ്പോർട്ട്‌ അവതരിപ്പിച്ചു. ട്രഷറർ സുധീഷ് ഒലിങ്കര കണക്ക് അവതരിപ്പിച്ചു. മുൻ യൂണിറ്റ് ലീഡർ ഫവാസ് മങ്കട നന്ദി പറഞ്ഞു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Dh50VB5MWGy5FkMpa4yo09
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ