ഓടകൾക്ക് ലക്ഷങ്ങൾ ചെലവാക്കിയിട്ടും മങ്കടയിൽ വെള്ളക്കെട്ട് രൂക്ഷം
മങ്കട: ഓടകൾക്കും ഓവുപാലങ്ങൾക്കും ലക്ഷങ്ങൾ ചെലവാക്കിയിട്ടും പ്രയോജനമില്ല. മഴ പെയ്താൽ മങ്കട അങ്ങാടിയിൽ വെള്ളക്കെട്ട് രൂക്ഷം. മങ്കട താഴെ അങ്ങാടിയിലും മേലേ അങ്ങാടിയിൽ പെട്രോൾ പമ്പ് മുതൽ പാലിയേറ്റിവ് ക്ലിനിക്ക് വരെയുമാണ് വെള്ളക്കെട്ട് അനുഭവപ്പെടുന്നത്.മലിനജലം മുഴുവൻ റോഡിൽ പരന്നൊഴുകി കാൽനടയാത്രയും വാഹന യാത്രയും പ്രയാസത്തിലാണ്. താഴെ അങ്ങാടിയിൽ മഞ്ചേരി റോഡിലെ കടകളിൽ വരെ വെള്ളംകയറുന്നു. കഴിഞ്ഞവർഷം ഓടകളും ഓവുപാലങ്ങളും പുതുക്കിപ്പണിതെങ്കിലും വേണ്ടത്ര ആസൂത്രണമില്ലാതെ നടപ്പാക്കിയതിനാൽ ഫലം കണ്ടില്ല.റോഡിലെ വെള്ളം ഓടയിലേക്ക് ഒഴുകാൻ വഴി ഉണ്ടാക്കാത്തതാണ് വിനയായത്. ഇക്കാര്യം നിർമാണ വേളയിൽ നാട്ടുകാർ കരാറുകാരനോട് സൂചിപ്പിച്ചിരുന്നെങ്കിലും ഒന്നും നടന്നില്ല. രണ്ട് വശത്തും ഓടയുണ്ടെങ്കിലും പ്രയോജനമില്ലാത്ത അവസ്ഥയാണ്.പാലക്കത്തടം മില്ലുംപടി മുതൽ വെള്ളം ഒഴുകി മങ്കട താഴെ അങ്ങാടിയിലെത്തുന്നു. ആശുപത്രി റോഡി...
