Local

Perinthalmanna RadioDate: 23-03-2026 പശ്ചിമേഷ്യന്‍ സംഘര്‍ഷത്തിന് പിന്നാലെ വിതരണത്തിലുണ്ടായ പ്രതിസന്ധി പരിഹരിക്കാന്‍ ഗാര്‍ഹിക എല്‍പിജി സിലിണ്ടറുകളുടെ അളവ് കുറയ്ക്കാന്‍ എണ്ണ കമ്പനികള്‍. നിലവിലെ 14.2 കിലോ വരുന്ന എല്‍പിജി സിലണ്ടറുകളില്‍ 10 കിലോ നിറച്ച് വിതരണത്തിന് എത്തിക്കാനാണ് ശ്രമം. പരിമിതമായ സ്റ്റോക്കുകള്‍ക്കിടയിലും കൂടുതല്‍ പേരിലേക്ക് സിലിണ്ടറുകള്‍ എത്തിക്കാം എന്നതാണ് ഈ നീക്കത്തിന് പിന്നില്‍. 14.2 കിലോയുടെ സിലിണ്ടര്‍ ഒരു കുടുംബത്തിന് ശരാശരി 35-40 ദിവസത്തേക്ക് ഉപയോഗിക്കാന്‍ സാധിക്കും. 10 കിലോയാക്കി ചുരുക്കുമ്പോഴും സിലിണ്ടറിന്‍റെ ഉപയോഗം ഒരു മാസത്തേക്ക് ലഭിക്കും. ലഭ്യമായ ഗ്യാസിനെ തുല്യമായ വിതരണം ചെയ്യാന്‍ ഇതിലൂടെ സാധിക്കും. അളവ് കുറയ്ക്കുകയാണെങ്കില്‍ ഇത് സിലിണ്ടറിന് മുകളില്‍ ലേബല്‍ ചെയ്ത് വിലയിലും കുറവ് വരുത്തും. കമ്പനികള്‍ ബോട്ടിലിങ് പ്രവര്‍ത്തനങ്ങളില്‍ മാറ്റം വരുത്തി നിയമപരമായ അനുമതികള്‍ വ...

Perinthalmanna RadioDate: 23-03-2026 സംസ്ഥാനത്ത് നിയമസഭാ തെരഞ്ഞെടുപ്പിൽ മത്സരിക്കുന്ന സ്ഥാനാർഥികൾക്ക് നാമനിർദേശ പത്രിക സമർപ്പിക്കാനുള്ള സമയം ഇന്ന് അവസാനിക്കും. രാവിലെ 11 മണി മുതൽ മൂന്നു മണിവരെ ബന്ധപ്പെട്ട വരണാധികാരികൾ മുമ്പാകെ പത്രിക നൽകാം. നാളെയാണ് ലഭിച്ച പത്രികകളുടെ സൂക്ഷ്മ പരിശോധന. വ്യാഴാഴ്ച വരെ പത്രികകൾ പിൻവലിക്കാൻ അവസരം ഉണ്ടാകും.ഇന്നലെ വരെയുള്ള കണക്കുകൾ പ്രകാരം 341 സ്ഥാനാർഥികളിൽ നിന്നായി 607 നാമനിർദേശ പത്രികകൾ ലഭിച്ചു.പ്രതിപക്ഷ നേതാവും പറവൂരിലെ യുഡിഎഫ് സ്ഥാനാർഥിയുമായ വി.ഡി സതീശൻ ഇന്ന് നാമനിർദേശ പത്രിക സമർപ്പിക്കും.രാവിലെ 11. 30ന് പറവൂർ അഡീഷണൽ തഹസീൽദാർക്കാണ് പത്രിക സമർപ്പിക്കുക. കെട്ടിവെക്കാനുള്ള തുക പ്ലാച്ചിമട സമരസമിതി നൽകും.സമരസമിതി നേതാക്കളായ വിളയോടി വേണുഗോപാൽ, ശക്തിവേൽ എന്നിവർ രാവിലെ 11ന് പറവൂർ രാജീവ് ഭവനിൽ എത്തി തുക കൈമാറും.വിവാദങ്ങൾക്കിടെ ഗുരുവായൂർ നിയോജകമണ്ഡലത്തിലെ എൻഡിഎ സ്ഥാനാ...

Perinthalmanna RadioDate: 23-03-2026 പെരിന്തൽമണ്ണ: നഗരത്തിലെ പ്രധാന ബൈപ്പാസ് റോഡുകളിലൊന്നായ ജൂബിലി റോഡിന്റെ നവീകരണ പ്രവർത്തനങ്ങൾ അനന്തമായി നീളുന്നത് നാട്ടുകാരെയും യാത്രക്കാരെയും ഒരുപോലെ ദുരിതത്തിലാക്കുന്നു. പദ്ധതി പ്രഖ്യാപിച്ച് മാസങ്ങൾ പിന്നിട്ടിട്ടും നിർമ്മാണ പ്രവർത്തനങ്ങൾ പാതിവഴിയിൽ നിലച്ചിരിക്കുകയാണ്. റോഡിലെ ഓടകളുടെ നിർമ്മാണം അവസാന ഘട്ടത്തിലേക്ക് കടക്കുമ്പോഴും ബി.എം.ബി.സി. (BMBC) പ്രവൃത്തികൾ ആരംഭിക്കാൻ കഴിയാത്തതാണ് പ്രധാന പ്രതിസന്ധി. മഴക്കാലം തുടങ്ങുന്നതിന് മുൻപ് പണി പൂർത്തിയാക്കിയില്ലെങ്കിൽ സ്ഥിതി കൂടുതൽ വഷളാകും.മാസങ്ങളായി തുടരുന്ന നിർമ്മാണ പ്രവർത്തനങ്ങൾ കാരണം പ്രദേശവാസികൾ കനത്ത പൊടിശല്യമാണ് അനുഭവിക്കുന്നത്. റോഡ് കീറിപ്പൊളിച്ചിട്ടിരിക്കുന്നത് കാരണം പലർക്കും സ്വന്തം വീടുകളിലേക്ക് വാഹനങ്ങൾ കയറ്റാൻ പോലും കഴിയാത്ത അവസ്ഥയാണെന്ന് നാട്ടുകാർ പരാതിപ്പെടുന്നു. മൂസക്കുട്ടി ബസ് സ്റ്റാൻഡിലേക്കുള്ള...

Perinthalmanna RadioDate: 22-03-2026 സംസ്ഥാനത്ത് നിയമസഭാ തെരഞ്ഞെടുപ്പു നടക്കുന്ന ഏപ്രില്‍ ഒന്‍പതിന് പൊതു അവധി. ഏപ്രില്‍ ഒന്‍പത് വ്യാഴാഴ്ച നെഗോഷ്യബിള്‍ ഇന്‍സ്ട്രുമെന്റ് ആക്ട് പ്രകാരം പൊതു അവധി പ്രഖ്യാപിച്ച് ഉത്തരവായി. സംസ്ഥാനത്തെ വാണിജ്യ - സ്വകാര്യ സ്ഥാപനങ്ങളിലെ അടക്കം എല്ലാ ജീവനക്കാര്‍ക്കും ശമ്പളത്തോടു കൂടിയ അവധിയായിരിക്കും അന്ന് ലഭിക്കുകകേരള ഷോപ്പ്‌സ് ആന്‍ഡ് കൊമേഴ്‌സ്യല്‍ എസ്റ്റാബ്ലിഷ്‌മെന്റ് ആക്ട് പ്രകാരം എല്ലാ സ്വകാര്യ സംരംഭങ്ങള്‍, സ്വകാര്യ വ്യാവസായിക കേന്ദ്രങ്ങള്‍, മറ്റു സ്വകാര്യ സ്ഥാപനങ്ങള്‍ എന്നിവയ്‌ക്കും അവധി ബാധകം. എല്ലാ ജീവനക്കാര്‍ക്കും ശമ്പളത്തോട് കൂടിയ അവധി നല്‍കണം. ...............................................കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക---------------------------------------------- പെരിന്തൽമണ്ണയിലേയും പരിസര പ്രദേശങ...

Perinthalmanna RadioDate: 22-03-2026 അങ്ങാടിപ്പുറം : തിരുമാന്ധാംകുന്ന് ഭഗവതി ക്ഷേത്രത്തിൽ 25-ന് തുടങ്ങുന്ന പൂരത്തിന്റെ സുഗമമായ നടത്തിപ്പിന് അങ്ങാടിപ്പുറത്തെ റെസിഡെൻസ് അസോസിയേഷൻ ഭാരവാഹികളുടെയും വിവിധ ദേശവേല കമ്മിറ്റി ഭാരവാഹികളെയും യോഗം ചേർന്നു.പൂരത്തിന്റെ സുഗമമായ നടത്തിപ്പുമായി ബന്ധപ്പെട്ട മുന്നൊരുക്കങ്ങളും മാർഗ നിർദേശങ്ങളും ചർച്ച ചെയ്തു. പെരിന്തൽമണ്ണ എസ്.ഐ. സുമേഷ് സുധാകർ മാർഗനിർദേശങ്ങൾ അവതരിപ്പിച്ചു.വിവിധ ദേശവേല കമ്മിറ്റികളുടെയും അസോസിയേഷനുകളുടെയും തട്ടകം ആനപ്രേമി കൂട്ടായ്മയുടെയും പ്രതിനിധികൾ സംസാരിച്ചു. ദേവസ്വം സ്വീകരിച്ച മുന്നൊരുക്കങ്ങൾ എക്സിക്യുട്ടീവ് ഓഫീസർ എം. വേണുഗോപാൽ, അസിസ്റ്റന്റ് മാനേജർ എ.എൻ. ശിവപ്രസാദ്, ദേവസ്വം ജീവനക്കാരായ പി. ഗിരി, കെ.ടി. അനിൽകുമാർ, ആർ. ബിജു എന്നിവർ വിശദീകരിച്ചു.പതിനൊന്നാം പൂരദിവസമായ ഏപ്രിൽ നാലിന് വൈകീട്ട് മൂന്നിന് തിരുമാന്ധാംകുന്ന് ദേവസ്വം കീഴേടമായ വേട്ടക്കാരൻ ...

Perinthalmanna RadioDate: 22-03-2026 പെരിന്തല്‍മണ്ണ: പെരിന്തല്‍മണ്ണയില്‍ യുഡിഎഫ് സ്ഥാനാർത്ഥി നജീബ് കാന്തപുരമായിരുന്നു 2021ല്‍ ഏറ്റവും ചെറിയ ഭൂരിപക്ഷത്തിന് വിജയിച്ചത്. വെറും 38 വോട്ടിൻ്റെ മാത്രം ഭൂരിപക്ഷത്തിലായിരുന്നു എല്‍ഡിഎഫ് സ്ഥാനാർത്ഥി കെപിഎം മുസ്തഫയെ മുസ്ലിം ലീഗിൻ്റെ നജീബ് കാന്തപുരം പരാജയപ്പെടുത്തിയത്. ഇതിന് പിന്നാലെ നജീബ് കാന്തപുരത്തിൻ്റെ തെരഞ്ഞെടുപ്പ് വിജയം അസാധുവാക്കണമെന്ന ആവശ്യവുമായി എല്‍ഡിഎഫ് സ്ഥാനാർത്ഥി നിയമനടപടികളിലേയ്ക്ക് കടന്നിരുന്നു. കോവിഡ് രോഗികളും പ്രായമായവരും വീട്ടിലിരുന്ന് ചെയ്ത വോട്ടുകളില്‍ 348 എണ്ണം ഒപ്പും സീലുമില്ലെന്ന കാരണത്താല്‍ വരാണാധികാരി അസാധുവാക്കി. 348 വോട്ടുകള്‍ അസാധുവാക്കിയ റിട്ടേണിംഗ് ഓഫീസറുടെ നടപടി ചോദ്യം ചെയ്തായിരുന്നു മുഹമ്മദ് മുസ്തഫ നിയമനടപടികളിലേയ്ക്ക് കടന്നത്. എന്നാല്‍ ഹൈക്കോടതി ഉത്തരവ് നജീബ് കാന്തപുരത്തിന് അനുകൂലമായതോടെ കെപിഎം മുസ്തഫ നിയമനടപടികളില്‍ ന...

Perinthalmanna RadioDate: 22-03-2026 പെരിന്തൽമണ്ണ: കടുത്ത വേനൽ ചൂടിന് ആശ്വാസം തേടിയും പെരുന്നാൾ ആഘോഷങ്ങൾക്ക് മാറ്റു കൂട്ടാനും സന്ദർശകരുടെ വൻ തിരക്കിൽ എളാട് ചെക്ക് ഡാം അമർന്നു. പാലക്കാട് - മലപ്പുറം ജില്ലകളുടെ അതിർത്തി പങ്കിടുന്ന കുന്തിപ്പുഴയിലെ ഈ മനോഹര തീരം പെരുന്നാൾ ദിനത്തിൽ സന്ദർശകരെക്കൊണ്ട് നിറഞ്ഞു കവിഞ്ഞു. ചെർപ്പുളശേരി, പെരിന്തൽമണ്ണ ഭാഗങ്ങളിൽ നിന്നായി നൂറുകണക്കിന് ആളുകളാണ് വൈകുന്നേരങ്ങളിൽ ഇവിടെ എത്തുന്നത്. ഒഴിവ് ദിനങ്ങളിൽ കുടുംബസമേതം സമയം ചെലവഴിക്കാനെത്തുന്നവരുടെ എണ്ണം വർധിച്ചിട്ടും അടിസ്ഥാന സൗകര്യങ്ങളുടെ കുറവ് ഇപ്പോഴും സന്ദർശകർക്ക് പ്രതിസന്ധിയായി തുടരുകയാണ്.കുന്തിപ്പുഴയുടെ മനോഹരമായ കാഴ്ചയും ചെക്ക് ഡാമിലെ തണുത്ത വെള്ളവും സന്ദർശകർക്ക് വേറിട്ട അനുഭവം നൽകുന്നുണ്ട്. ഡാമിന് തൊട്ടടുത്തുള്ള ആനപ്പാറയും നരിമടയും പ്രകൃതി സ്നേഹികൾക്ക് പ്രിയപ്പെട്ട ഇടങ്ങളാണ്. പ്രദേശത്തെ ടൂറിസം വികസനത്തിനായി നിരവധി...

Perinthalmanna RadioDate: 21-03-2026 പശ്ചിമേഷ്യയിലെ യുദ്ധത്തെ തുടർന്നുള്ള ഊർജ പ്രതിസന്ധിക്കിടെ പ്രീമിയം പെട്രോൾ വില ലീറ്ററിനു 2 രൂപയിലേറെ കൂട്ടിയതോടെ സാധാരണ പെട്രോൾ, ഡീസൽ വില വർധിപ്പിച്ചേക്കുമെന്ന ആശങ്കയിൽ ജനങ്ങൾ. നിലവിൽ ഇതിന്റെ വില കൂട്ടിയിട്ടില്ലെങ്കിലും അതിനു മുന്നോടിയായാണ് പ്രീമിയം പെട്രോൾ വിലവർധനയെന്നാണ് ആശങ്ക. വ്യാഴാഴ്ച ക്രൂഡ് ഓയിൽ വില രാജ്യാന്തരവിപണിയിൽ ബാരലിന് 119 ഡോളർ വരെ ഉയർന്നിരുന്നെങ്കിലും ഇന്നലെ 108 ഡോളറായി കുറഞ്ഞു.സർക്കാരിന്റെ വില നിയന്ത്രണാധികാരം നേരത്തേ എടുത്തു കള‍ഞ്ഞതിനാൽ വില കൂട്ടാനുള്ള തീരുമാനം കമ്പനികളുടേതാണെന്നാണ് കേന്ദ്രത്തിന്റെ വാദം. എന്നാൽ, തിരഞ്ഞെടുപ്പു കാലത്ത് വില കൂട്ടാതിരിക്കുകയും അല്ലാത്തപ്പോൾ വില കൂട്ടുകയും ചെയ്യുന്ന രീതി വിലനിയന്ത്രണം നീക്കിയ ശേഷവും പ്രകടമാണ്. കോവിഡിന്റെ ആദ്യ കാലത്ത് രാജ്യാന്തര വിപണിയിൽ വില കുറഞ്ഞപ്പോൾ നികുതി കൂട്ടി വിലക്കുറവിന്റെ ആനുകൂല്യം ...

Perinthalmanna RadioDate: 21-03-2026 മങ്കട: മങ്കടയിൽ മഞ്ഞളാംകുഴി അലിക്ക് എതിരെ മത്സരിക്കാൻ  മുസ്ലിം ലീഗ് മങ്കട നിയോജക മണ്ഡലം മുൻ പ്രസിഡന്റ് കുന്നത്ത് മുഹമ്മദ് സ്വതന്ത്ര സ്ഥാനാർത്ഥിയായി നാമനിർദ്ദേശ പത്രിക സമർപ്പിച്ചു. തിരഞ്ഞെടുപ്പിൽ മത്സരിക്കാനുണ്ടായ സാഹചര്യത്തെക്കുറിച്ചും പാർട്ടി വിടാനുണ്ടായ കാരണങ്ങളെക്കുറിച്ചും നാളെ നടത്തുന്ന വാർത്താ സമ്മേളനത്തിൽ വിശദീകരിക്കുമെന്ന് അദ്ദേഹം അറിയിച്ചു. താൻ ഇപ്പോൾ ഒരു സ്വതന്ത്ര സ്ഥാനാർത്ഥിയാണെന്നും ജനാധിപത്യത്തിൽ വിശ്വസിക്കുന്ന ആരുടെ പിന്തുണയും സ്വീകരിക്കാൻ തയ്യാറാണെന്നും അദ്ദേഹം മാധ്യമങ്ങളോട് പറഞ്ഞു. ബിജെപി അടക്കമുള്ള രാഷ്ട്രീയ പാർട്ടികളുടെ പിന്തുണ സ്വീകരിക്കുമോ എന്ന ചോദ്യത്തിന്, ഈ രാജ്യത്തെ ഏത് പൗരന്റെയും പിന്തുണ തനിക്ക് സ്വീകാര്യമാണെന്നും വോട്ട് ചെയ്യാൻ ആർക്കും അവകാശമുണ്ടെന്നും അദ്ദേഹം മറുപടി നൽകി.ഇടതുപക്ഷത്തിന്റെ പിന്തുണയുണ്ടാകുമോ എന്ന കാര്യത്തിൽ അ...

Perinthalmanna RadioDate: 21-03-2026 സംസ്ഥാനത്ത് ചൂട് കൂടുന്നുവെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. തിരുവനന്തപുരം, ആലപ്പുഴ, പത്തനംതിട്ട, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ ജില്ലകളിൽ ഉയർന്ന താപനില 36 ഡിഗ്രി സെൽസ്യസ് വരെ ഉയരാൻ സാധ്യതയുണ്ട്. ഇന്നും നാളെയും കൊല്ലം, കോട്ടയം, പാലക്കാട് ജില്ലകളിൽ താപനില 37 ഡിഗ്രി സെൽസ്യസിലേക്ക് എത്താൻ സാധ്യതയുണ്ടെന്നും മുന്നറിയിപ്പ്.ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യ പ്രശ്നങ്ങൾക്ക് കാരണമാകും. ആയതിനാൽ പൊതുജനങ്ങൾ താഴെ പറയുന്ന നിർദേശങ്ങൾ പാലിക്കേണ്ടതാണ്.* പകൽ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക.* ദാഹമില്ലെങ്കിലും വെള്ളം കുടിക്കുന്നത് തുടരുക. പരമാവധി ശുദ്ധജലം കുടിക്കുക.* നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ...