Perinthalmanna Radio
Date: 04-05-2026
TIME : 2:00 PM
പെരിന്തൽമണ്ണ: നിയമസഭാ തിരഞ്ഞെടുപ്പിൽ പെരിന്തൽമണ്ണ മണ്ഡലത്തിൽ യു.ഡി.എഫ് സ്ഥാനാർത്ഥി നജീബ് കാന്തപുരത്തിന് ചരിത്ര വിജയം. വോട്ടെണ്ണൽ പൂർത്തിയായപ്പോൾ 32,838 വോട്ടുകളുടെ റെക്കോർഡ് ഭൂരിപക്ഷത്തിനാണ് അദ്ദേഹം മണ്ഡലം നിലനിർത്തിയത്. വോട്ടെണ്ണലിന്റെ ഒരു ഘട്ടത്തിലും എതിരാളികൾക്ക് ഒപ്പമെത്താൻ സാധിക്കാത്ത വിധം വ്യക്തമായ ജനപിന്തുണ ഉറപ്പാക്കിയാണ് നജീബ് കാന്തപുരം നിയമസഭയിലേക്ക് വീണ്ടും തിരഞ്ഞെടുക്കപ്പെട്ടത്.
സംസ്ഥാനത്താകെ യു.ഡി.എഫ് തരംഗം ആഞ്ഞടിക്കുന്ന കാഴ്ചയാണ് വോട്ടെണ്ണൽ ഫലങ്ങൾ സൂചിപ്പിക്കുന്നത്. ആകെയുള്ള 140 സീറ്റുകളിൽ 101 ഇടങ്ങളിൽ യു.ഡി.എഫ് വ്യക്തമായ ലീഡ് നിലനിർത്തുന്നു. ഭരണകക്ഷിയായ എൽ.ഡി.എഫ് 37 സീറ്റുകളിലും എൻ.ഡി.എ 2 സീറ്റുകളിലുമാണ് മുന്നിട്ടുനിൽക്കുന്നത്. യു.ഡി.എഫിന്റെ ഈ വൻ മുന്നേറ്റത്തിൽ പെരിന്തൽമണ്ണയിലെ റെക്കോർഡ് വിജയം ശ്രദ്ധേയമായി. വൻ ഭൂരിപക്ഷത്തോടെ വിജയിച്ച നജീബ് കാന്തപുരത്തെ അഭിനന്ദിക്കാൻ വോട്ടെണ്ണൽ കേന്ദ്രത്തിന് മുന്നിലും നഗരത്തിന്റെ വിവിധ ഭാഗങ്ങളിലും നൂറുകണക്കിന് പ്രവർത്തകരാണ് തടിച്ചുകൂടിയത്. മണ്ഡലത്തിലെ വികസന പ്രവർത്തനങ്ങൾക്കുള്ള അംഗീകാരമാണ് ഈ ജനവിധിയെന്ന് യു.ഡി.എഫ് നേതൃത്വം അറിയിച്ചു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/B9M7vagiKgbD6sD5VqW7XU?mode=gi_t
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ