Perinthalmanna Radio
Date: 19-06-2026
മലപ്പുറം: മലബാറിൻ്റെ ഫുട്ബോൾ ആവേശത്തിന് പുതിയ ദിശാബോധം നൽകിക്കൊണ്ട് അന്താരാഷ്ട്ര നിലവാരത്തിലുള്ള ഫുട്ബോൾ സ്റ്റേഡിയം നിർമ്മിക്കുമെന്ന് മുഖ്യമന്ത്രി വി.ഡി. സതീശൻ പ്രഖ്യാപിച്ചു.
പുതിയ യു.ഡി.എഫ് സർക്കാരിന്റെ ആദ്യ ബജറ്റ് അവതരിപ്പിച്ചുകൊണ്ട്, ധനമന്ത്രിയുടെ ചുമതല കൂടിയുള്ള മുഖ്യമന്ത്രിയാണ് കായിക മേഖലയ്ക്കായുള്ള ഈ വൻ പദ്ധതി പ്രഖ്യാപിച്ചത്. പദ്ധതിയുടെ പ്രാരംഭപ്രവർത്തനങ്ങൾക്കായി 50 കോടി രൂപ ബജറ്റിൽ വകയിരുത്തിയിട്ടുണ്ട്.
മുഖ്യമന്ത്രിയുടെ പ്രഖ്യാപനത്തോടെ കോഴിക്കോടോ, അല്ലെങ്കിൽ മലപ്പുറം ജില്ലയിലോ സ്റ്റേഡിയം നിർമ്മിക്കുന്നതിനാണ് കൂടുതലും സാധ്യത.
കായിക പ്രേമികൾക്ക് വൻ പ്രതീക്ഷ നൽകുന്നതാണ് ബജറ്റിലെ ഈ പ്രഖ്യാപനം. മലബാറിലെ ഫുട്ബോൾ വികസനത്തിനും അന്താരാഷ്ട്ര മത്സരങ്ങൾ കൂടുതൽ കേരളത്തിലേക്ക് ആകർഷിക്കുന്നതിനും ഈ പദ്ധതികൾ വഴിതുറക്കുമെന്നാണ് വിലയിരുത്തപ്പെടുന്നത്.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/B9M7vagiKgbD6sD5VqW7XU?mode=gi_t
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ